"Қарекет" қоры сыйлаған үй жарамсыз шығып, сегіз бала анасынан алыстауға мәжбүр болды

24 ақпан 2025

1579

Мақаланы бөлісу
"Қарекет" қоры сыйлаған үй жарамсыз шығып, сегіз бала анасынан алыстауға мәжбүр болды

Атыраулық көпбалалы ана Дина Өтеғалиева сегіз баласын мамандандырылған балалар орталықтарына беруге мәжбүр болды, себебі олардың өмір сүру жағдайлары қалыпты тұрмыстық жағдайларға сәйкес келмейді деп жазады Democrat.kz. тілшісі Halyqstan Телеграм арнасына сілтеме жасап. Бұл туралы Halyqstan тілшісіне Атырау облысы бойынша Бала құқықтары жөніндегі уәкіл Айжан Сәрсембаева айтты. 2020 жылы "Харекет" қоры көп балалы отбасына құлағалы тұрған үйді сыйға тартқан. 2025 жылға қарай ол үйдің төбесі құлай бастаған, ал үйдің ішін жылыту қиынға соққан. Атырау әкімдігі жанындағы кәмелетке толмағандар жөніндегі Комиссия анасымен кездесуге барып, оның бес баласын кәмелетке толмағандарды бейімдеу орталығына орналастырды, тағы үш баланы сәбилер үйіне орналастырды. Қазіргі уақытта үлкен бала 16 жаста, ал кіші бала бір жарым жаста. Әйел балаларына тұрмыстық жағдайы жақсарған кезде оларды қайтарып аламын деп уәде берді. Айта кетейік, "Харекет" қоры соңғы бес жылда өңірдің мұқтаж тұрғындарына 51 үй сыйлады. Өкінішке қарай, берілген үйлердің басым бөлігі - ескі. "Қайырымдылық жасап жүрміз! Алла үшін жасап жүрміз!" деп ұрандатпас бұрын, бәлкім жасалатын қайырым істерінің сапасына мән берілсе, Алла да, адам да разы болар еді-ау... Фото көрнекілік үшін интернеттен.
Барлық жаңалықтар