Дәрігер Камал Ормантаев өмірден озды

12 ақпан 2025

316

Мақаланы бөлісу
Дәрігер Камал Ормантаев өмірден озды

Қазақстанда балалар хирургиясының негізін қалаған ғалым, медицина ғылымдарының докторы Камал Ормантаев дүние салды, деп хабарлайды Azattyq Rýhy.  Суыт хабарды ғалымның ұлы Жарас Ормантаев жазған.
«Бүгін түнде ардақты әкем, Қазақстанда балалар хирургиясының негізін қалаған академик Камал Ормантаев өмірден озды», - деп жазды ол.
Камал Ормантаев 1936 жылы 11 қыркүйекте туған. Қазақстандағы балалар хирургиясы мен педиатрия саласына өлмейтін, өлшемі зор мұрасын қалдырған адам. Бүкіл ғұмырын осы салаға арнаған ол балалардың бассүйегі мен миы зақымданғанда қолданылатын емдеу әдістерін жетілдіріп, оның патогенезін анықтауда кешенді зерттеулер жүргізді. Баланың бассүйегі мен миына  жасалатын операцияның бес жаңа әдісін тәжірибеге енгізген. Өңеші күйген балаларды емдеудің алты жаңа әдісін ойлап тапқан. Балаларда іріңді перитонит пен жедел гематогенді остеомиелит болған жағдайда іріңді іш қуысынан түтік арқылы шығарудың бірнеше тәсілін ұсынған ғалым. Ол Қазақстанда педиаторлардың, балалар хирургтарының, анестезиолог-реаниматологтарының, ортопед-травматологтарының ғылыми мектебінің негізін қалаған адам.
Барлық жаңалықтар